گلبــــي ارّد امــــدّه الك
ما داعـــــــــي امد چفوف
وكل بــــــاب عمري انفتح
وبعينــــــــــك انت اتشوف
كل دگــــــــــــة من الگلب
تصرخ الـــــــــــك ملهوف
اتذكـــرك كـــل وكـــــــــت
وبعــــيوني احلى طـــــيوف
عنتــــــره لمّــــــــــــــن ذكر
عبـــــــــــــــله برمح وسيوف
انــــــه اذكــــــــرك كل فجر
شمــــــس الله انــــت تطوف
مطشـــــــّّر ولمـــــــك حلم
وبشفــــــــتي ابوس حروف
اسمـــــك كتـــــــــبته عمر
حـــــب وعذاب وخــــوف
وگلبـــــي يغنـــــي شجـــن
ودگــــــات گلـــــبي دفوف
انـــــت كـــــل الكون عندي
اشلــــــون غيرك انه اشوف
مــــرّه احســــك ورد جوري
وگـــــمر مــــا يعرف خسوف
وشمس تضوي بلايه صـــوت
وغنـــــــــــچ ما يعرف كسوف
مدري ليش اتصورك انت الحياة
انت كل الكــون والباقي ضيوف
يالسمــــــــــــارك لــــيل گمري
يا كريم العاطفه بس مو عطوف
لان من گتلك احبــــــك ما بچيت
وانه دمعي يسيل لو بوس الچفوف
والله احبك تدري احبك ليش احبك
وليش احسّن بيك من بين الالوف
خرزة سليمان عندك من تفوت
يلي رمشك احّد من حد السيوف
هذا حالي من دون البشر
صدقوني
تحياتي للجميع
الرئيسية 
